Freyðivín og kökur

Já þá er afmælispakkanum lokið en ég hélt upp á afmælið mitt í gær. Ég átti yndislegan dag sem hófst auðvitað á ballet. En ég var mætt upp í studio fyrir kl 9 til að kenna floor-barre og síðan var tími hjá Lauren en þá tók við að kenna litlu dúllunum sem eru að stíga sín fyrstu skref í ballet.
Hvenær er ég svo á tíma?
Ég var auðvitað með handklæðið utan um mig þegar mamma kom færandi hendi með himin háan stafla af pönslum og reddaði hún undirbúningnum fyrir mig á meðan ég fór sem stormsveipur um fataskápin minn. Þegar fjölskyldan mín var síðan búin að fá nóg af sætindum var ráðist á pakkana með dyggri aðstoð stelpnanna. Ég verð nú að segja að hún Hrund systir fær verðlaum fyrir frumlegustu gjöfina en hún og fjölskynda gáfu mér Þróttara peysu. En þetta er búið að vera mikið grín þar sem Knattspyrnufélagið Þróttur hefur sama fangamark og ég KÞ. Nú er bara að fara að mæta á leikina í dressinu eða hvað? Tja...

Ekki má síðan gleyma kvöldinu og nóttinni en til mín mætti samansafn af frábæru fólki sem var allt staðráðið í því að skemmta sér og þeim sem í kringum það var. Ég held að það hafi bara tekist með eindæmum vel. En ég er samt ekki alveg búin að fá útskýringu á þessum tveimur kúlum sem ég er komin með á hausinn??
En öllum gleðskap lýkur að lokum... og þá er best að takast á við þrifin.